တၢ်ပာ်ဖှိၣ် တၢ်အက့အခီတဖၣ် တပူၤဃီ
ဖဲလၢပဟံၣ်ဖိဃီဖိသ့ၣ်တဖၣ် ပဘၣ်အိၣ်ဒၣ်လၢ ဟံၣ်ညါပူၤ မ့ၢ်လၢဟီၣ်ခိၣ်ဒီဘ့ၣ် တၢ်ဆူးတၢ်ဆါ ဘၣ်ကူဘၣ်ဂာ် (တၢ်ဆါသံသတြိာ်) အဆၢကတီၢ်အခါန့ၣ်, ပဘၣ်မၤတ့ၢ်တၢ်မၤတခါလၢ အလၢာ်ဂံၢ်လၢာ်ဘါ လၢာ်ဆၢလၢာ်ကတီၢ်ဒီး ဘၣ်ကူၣ်ထီၣ်ဖးလီၤအါမး, လၢအမ့ၢ် တၢ်ပာ်ဖှိၣ်က့ၤ တၢ်ဂီၤက့ခီ (၁၈,ဝဝဝ) ဒ်သိးကကဲထီၣ် တၢ်ဂီၤအလၢအၦဲၤတခါန့ၣ်လီၤ. ပမၤသကိးတၢ်ဒီတနံၤညါဘၣ်ဆၣ်, တဘျီဘျီ ပကလၢၢ်ဘၣ်လၢ တၢ်မၤတကဲထီၣ်လိၣ်ထီၣ်ကဲၣ်ဆိးဘၣ်န့ၣ်လီၤ. ပစးထီၣ်မၤတၢ် ၅ လါဝံၤမး ပထီထီၣ်ဘၣ် တၢ်ဂီၤက့ လၢခံကတၢၢ်တခီဆူ တၢ်ဂီၤက့ခီဘျးစဲ လၢအထီ ခွံခီၣ်ယီၢ်, ဒီးအဒီၣ်ဃီၤ ဃုခီၣ်ယီၢ် လၢအမၤၦဲၤပတၢ်အီၣ်မ့ၤဒၢး အဒါန့ၣ်လီၤ.
တဘျီတခီၣ် ပတၢ်အိၣ်မူလီၤဂာ်ဒီး တၢ်လိာ်ကွဲသုးကျဲၤမၤၦဲၤက့ၤ တၢ်ဂီၤက့ခီသ့ၣ်တဖၣ်န့ၣ်လီၤ. တၢ်အက့အခီတနီၤ အလီၢ်အကျဲဘၣ်လံ, ဘၣ်ဆၣ် အက့အခီအိၣ်တ့ၢ်ဒံးအါမး လၢအရၤလီၤအသး လၢသ့ၣ်ဘၣ်ဒါအဖီခိၣ်န့ၣ်လီၤ. ဖဲယသ့ၣ်ညါလၢ ကစၢ်ယွၤမၤတၢ် ဒီးဆီတလဲယၤ ဒ်သိးယကလီၤဂာ်အါထီၣ်အါထီၣ် ဒီးခရံာ်အခါ, တဘျီတခီၣ် ကီခဲဝဲလၢ ပကထံၣ်ဘၣ်တၢ်လဲၤထီၣ်လဲၤထီန့ၣ်လီၤ.
စီၤပီလူးအလံာ်ပရၢဆူ ၦၤဖံလံးပံၤဖိတဖၣ် မၤမုာ်ယသးဒိၣ်မး, ဖဲအဝဲစံးဝဲလၢ အဝဲဃ့ထုကဖၣ်ဒီးတၢ်သးခု လၢအဝဲသ့ၣ်အဂီၢ်, မ့ၢ်လၢတၢ်မၤဂ့ၤသ့ၣ်တဖၣ်…
လံာ်ပရၢတဖၣ်, တၢ်ကီတၢ်ခဲတဖၣ်, ဒီးတၢ်မၤနၢၤတဖၣ်
လၢပှၤတဝၢပူၤ ဂ့ၢ်ဝီတဂၢၢ်တကျၢၤ, တၢထီၣ်တၢလီၤ, တၢ်လီၤပျံၤလီၤဖုး ဒီးတၢ်တမုာ်တလၤ သ့ၣ်တဖၣ်န့ၣ် ဒ်သိး ကၠ့ၣ်မံၣ်(Jimmy) အသုတလဲၤဆူ ထံကီၢ်အဖှီၣ်ယာ် ကတၢၢ်လၢဟီၣ်ခိၣ်ချၢ, လၢအကလဲၤ ဟ့ၣ်ဂံၢ်ဟ့ၣ်ဘါပှၤမၤတၢ်သးခုကစီၣ် အနီၢ်ဒီမိၤဝၤခံဂၤအဂီၢ် တၢ်ကီတၢ်ခဲလၢထးသ့ၣ်တဖၣ်န့ၣ် တြီအီၤတန့ၢ်ဘၣ်. တဘျီဘၣ်တဘျီ လီလံာ်ပရၢလၢ ကၠ့ၣ်မံၣ်ဆှၢလီၤဆူပအိၣ်န့ၣ် ပာ်ဖျါထီၣ် တၢ်ကီတၢ်ခဲလၢ အဘၣ်ကွၢ်ဆၢၣ်မဲာ်တဖၣ်န့ၣ်လီၤ. “Okay, တံၤသကိးသ့ၣ်ဧၢ, ပကထုကဖၣ်သကိးတက့ၢ်. ပသိလ့ၣ်အစဲးခိၣ်ဃံကိၢ်ကဲၤထီၣ် အဘျီတဆံဘျဲၣ်လၢ ခံနၣ်ရံၣ်အတီၢ်ပူၤန့ၣ် ပလဲၤတုၤဒံးဒၣ် အမံးလာ်တဆံန့ၣ်လီၤ”. မ့ၢ်လၢ တၢ်လဲၤတၢ်က့ၤတံာ်တာ်အဃိ, ဒီးတချုးလၢဖးဖီမုၢ်အဆၢကတီၢ်န့ၣ် အဝဲလဲၤတုၤဆူ တၢ်လီၢ်လၢ ကဘၣ်စံၣ်တဲၤတဲလီၤအဂီၢ်, ဖဲန့ၣ် ပှၤဘၣ်အိၣ်ခိးကွၢ်လၢ်အီၤ ယဲၢ်နၣ်ရံၣ်န့ၣ်လီၤ. လၢခံန့ၣ် တၢ်ပရၢဟဲတုၤဒီး ဖျါလၢ အသူၣ်ခုသးခုဝဲဒၣ်န့ၣ်လီၤ. “တၢ်လီၤကမၢကမၣ်ဒိၣ်မးလီၤ. ပရ့လိာ်မုာ်လိာ်သး အဂ့ၤကတၢၢ် ဒီးပှၤတဆံခံဂၤ ဟဲထီၣ်ဆူ တၢ်မဲာ်ညါ ဒ်သိး ပကဃ့ဘါထုကဖၣ် တၢ်လၢ အဝဲသ့ၣ်အဂီၢ်န့ၣ်လီၤ. မ့ၢ်မုၢ်နၤလၢအပှဲၤဒီး တၢ်စိတၢ်ကမီၤန့ၣ်လီၤ”.
တၢ်မၤယွၤအတၢ်မၤတီတီလိၤလိၤန့ၣ် မ့ၢ်တၢ်လၢ အတၤပှၤသ့န့ၣ်လီၤ. တၢ်စူၢ်တၢ်နာ် အပၢ်သ့ၣ်တဖၣ်လၢ…
ခဲကနံၣ်အံၤ တၢ်တအိၣ်နီတမံၤလၢၤဘၣ်
ပဒီပုၢ်ဝဲၢ်ခွါတဖၣ်ဒီး ပဟံၣ်ဖိဃီဖိတဖၣ် ဒီတနံၤအတီၢ်ပူၤ ပသုးကွံာ် ပမိၢ်ပပၢ်အတၢ်ဖိတၢ်လံၤတဖၣ်န့ၣ်လၢ ဟံၣ်တဖျၢၣ်လၢ ပအိၣ်ဆိးဖဲပနီၢ်ဆံး အဆၢကတီၢ်န့ၣ်လီၤ. တချုးမုၢ်လီၤနုာ် ဖဲပက့ၤစိာ်တၢ်ဖိတၢ်လံၤတဖၣ် လၢသိလ့ၣ်အကတၢၢ်တဘျီန့ၣ် ပသ့ၣ်ညါလၢ ပတၢ်ထံၣ်လိာ်သကိးပသးလၢ ဒူၣ်ဖိထၢဖိအဟံၣ်အံၤ ကမ့ၢ် တၢ်အကတၢၢ်တဘျီအဃိ ပပာ်ဖှိၣ်ဒိသကိး တၢ်ဂီၤလၢ ဟံၣ်လီၤခံတြဲၤအခိၣ်ဒုး အဖီလာ်န့ၣ်လီၤ. ဖဲယမိၢ်ကွၢ်ယၤ ဒီးစံးဝဲ “ခဲကနံၣ်အံၤ တၢ်တအိၣ်တ့ၢ်နီတမံၤလၢၤဘၣ်” အဆၢကတီၢ် ဒ်သိးယမဲာ်ထံတယွၤလီၤအဂီၢ် ယဘၣ်ကျဲးစၢးပၢၤဃာ် ယသးန့ၣ်လီၤ. တၢ်ကတိၤဖိအံၤ ကဲထီၣ် တၢ်သးဘၣ်ဒိလၢ ယဂီၢ်ဒိၣ်မးန့ၣ်လီၤ. ၅၄ နံၣ် အတီၢ်ပူၤ ဟံၣ်လၢအအိၣ်ပှဲၤဒီး တၢ်သးသယုၢ်တၢ်, တၢ်သ့ၣ်နီၣ်တဖၣ် ခဲကနံၣ်အံၤ တၢ်မနုၤမးတအိၣ်လၢၤဘၣ်န့ၣ်လီၤ. ယဂုာ်ကျဲးစၢၤ ယဲဒၣ် ဒ်သိး ယသုတဆိကမိၣ်ထီၣ်က့ၤ တၢ်ဂ့ၢ်အံၤလၢၤဘၣ်န့ၣ်လီၤ.
တၢ်လၢအမၤဘၣ်ဒိဆါယသးအံၤန့ၣ် ဒုးနၢ်ဟူက့ၤယၤ ဝံယံးရမံယၤစးထီၣ် တၢ်ကတိၤတဖၣ်လၢ သးသယုၢ် ၁:၁ အပူၤ စံးဝဲ “ဝ့ၢ်လၢအပှဲၤတ့ၢ်ဝဲဒီး ပှၤဂီၢ်မုၢ်တဖျၢၣ်န့ၣ် ဆ့ၣ်နီၤဝဲတဂၤဃီဒ်လဲၣ်” န့ၣ်လီၤ. တၢ်အကါဒိၣ် ဒီးတၢ်လၢ အတဒ်သိးလိာ်သးန့ၣ်…
တၢ်ဒိကနၣ်အဂီၢ် တၢ်ဟ့ၣ်သဘျ့
ဖိသၣ်မုၣ်လိၣ်ဘိတဂၤ အမဲာ်သၣ်ဖျါလၢ တၢ်သူၣ်ဟးဂီၤသးဂီၤဒီး တၢ်မဲာ်ဆှးန့ၣ်လီၤ. အဝဲမၤန့ၢ်မၤနၢၤတ့ၢ်လံ ခိၣ်ဖးအါမးအဃိ, လၢတၢ်နုာ်လီၤပြၢ ၂၀၂၂ နံၣ်တၢ်ဂိၢ်ခါအိၣ်လၣ်ပ့း တၢ်ပြၢအဂီၢ် ကတဲာ်ကတီၤအသးဒီး ကမၤန့ၢ် ခိၣ်ဖးထူဘ့ၣ်ဘၣ်န့ၣ်လီၤတံၢ်လၢ အဂီၢ်န့ၣ်လီၤ. လၢတၢ်ဂဲၤကလံၣ်ဒီး လိာ်ကွဲစက့း (Skate) လၢထံလီၤသကၤမဲာ်ဖံးခိၣ်လိၤတကပၤန့ၣ် ပှၤကမၤနၢၤအီၤ တအိၣ်ဘၣ်အဃိန့ၣ်လီၤ. ဘၣ်ဆၣ် ဖဲလၢတၢ်သမံသမိးမၤကွၢ်အဆံၣ်ထံန့ၣ်ဒီး တၢ်အစဲဖျါလၢ အဝဲသူဝဲ ကသံၣ်ကသီလၢ အဘၣ်တၢ်တြီဃာ်န့ၣ်လီၤ. လၢအဂီၢ်တၢ်ဆီၣ်သနံးတဖၣ် အိၣ်ဟဲခီဖျိလၢ ပှၤအါဂၤအတၢ်မုၢ်လၢ်ဒိၣ်ဒိၣ်မုာ်မုာ်လၢ အလိၤ ဃုာ်ဒီး တၢ်စံးကတိၤ ပာ်ဒ့ၣ်ပာ်ကမၣ်လၢ အလိၤတဖၣ်အဃိ ဖဲ အဝဲဒိးလိာ်ကွဲပြၢစက့းဒီး ပှၤပြၢတၢ်အဂၤတဖၣ် အဆၢကတီၢ်န့ၣ် လီၤဃံၤဝဲအါဘျီဒီး တဆၢထၢၣ်ဘၣ်ဝဲလၢ ပှၤမၤနၢၤတၢ် အပျဲၢ်စီၢ်ခိၣ် လၢၤဘၣ်ဒီး တမၤန့ၢ်ခိၣ်ဖးလၢၤဘၣ်န့ၣ်လီၤ. တချုးလၢ ပှၤစံးကတိၤအၢသီအီၤ အဆၢကတီၢ် အဝဲဒုးနဲၣ်ပာ်ဖျါထီၣ် အတၢ်သ့တၢ်ဘၣ်ဒီး တၢ်ဒိးဂဲၤလိာ်ကွဲစက့း အဃံအလၤတဖၣ် ဘၣ်ဆၣ် ခီဖျိလၢ တအိၣ်မူပိာ်ထွဲတၢ်သိၣ်တၢ်ဘျၢအဃိ အတၢ်မံမီၢ်တဖၣ် ဟးဂီၤကွံာ်ဝဲဒၣ်န့ၣ်လီၤ.
ဒ်သိးပကအိၣ်မူအိၣ်ဂဲၤလၢ တၢ်သဘျ့အပူၤအဂီၢ် တၢ်ဒိကနၣ်မ့ၢ်တၢ်လၢ အကါဒိၣ်တၢ်တမံၤလီၤန့ၣ်…
ယွၤအဖီကရၢၢ်
တၢ်မုၢ်ဖိတမုၢ်လၢဟ့ၣ်ပလီၢ် သးသမူအတၢ်ဃံတၢ်လၤ ဒီးတၢ်အိၣ်မူတစိၢ်တလီၢ် (တၢ်အိၣ်မူလၢအဖုၣ်) မဲထီၣ်ဝဲဒၣ်ဖဲ ယဟံၣ်မဲာ်ညါ တြဲၤအချၢန့ၣ်လီၤ. ဖဲအပူၤကွံာ် တၢ်ကိၢ်ထီၣ်သီအဆၢကတီၢ်န့ၣ်, ယမါသူၣ်လီၤ ဖီအမုၢ်ဖိလၢအဘံတၢ်သ့, အမံၤလၢ လါအဖီ (moonflower), မ့ၢ်လၢ အဖီသ့ၣ်တဖၣ် အိၣ်အသး ကဝီၤကျီၤဖးဒိၣ်ဒီး အလွဲၢ်ဝါဝဲဒ် လါၦဲၤအသိးန့ၣ်လီၤ. ဖီဖိတဖၣ်အံၤ ဖီထီၣ်ဝဲဒၣ်တနၤဒီး လၢခံတဂီၤန့ၣ် လီၤညွံးဝဲဒၣ် ဖဲမုၢ်ကပီၤထီၣ်အဆၢကတီၢ်န့ၣ်လီၤ. ဘၣ်ဆၣ် ဖီအမုၢ်အံၤ မဲထီၣ် အါထီၣ်ပှီၢ်ပှီၢ် ဒီးကိးမုၢ်ဟါန့ၣ် ဖီထီၣ်ဝဲဒၣ် ဂီၢ်မုၢ်ဂီၢ်ပၤန့ၣ်လီၤ. ကိးမုၢ်နံၤဒဲး ဖဲပနုာ်လီၤဟးထီၣ်လၢဟံၣ်န့ၣ် မ့ၢ်တၢ်မၤမုာ်ပသးလၢ ပခိးကွၢ်ဖီဖိတဖၣ်အံၤ, ဒီးဖဲပဟဲက့ၤဆူဟံၣ် အဆၢကတီၢ် ပဆိကမိၣ်တၢ်ဃံတၢ်လၤအသီမနုၤတဖၣ် ကသဂၢၢ်ၦၤလဲၣ်န့ၣ်လီၤ.
ဖီဖိသ့ၣ်တဖၣ် လၢအလီၤညွံးဝဲညီကဒၣ်အံၤ ဒုးသ့ၣ်နီၣ်ထီၣ်ၦၤ လံာ်စီဆှံအတၢ်မ့ၢ်တၢ်တီလၢ အကါဒိၣ်ဝဲ တထံၣ်န့ၣ်လီၤ. ၁ ပ့း ၁:၂၃-၂၅ အပူၤ, ၦၤတၢ်မၢဖိစီၤပ့းတရူး, ဒုးသ့ၣ်နီၣ်ထီၣ်က့ၤၦၤလၢ ဝံယၡါယၤအတၢ်ကတိၤ, “သုတအိၣ် ဖျဲၣ်ကဒီးဘၣ်လၢ တၢ်အချံလၢအအုၣ်သံကျၣ်သံဘၣ်, မ့ၢ်လၢတၢ်တအုၣ်သံကျၣ်သံဘၣ်, လၢယွၤအကလုၢ်ကထါလၢအမူဝဲ, ဒီးအိၣ်ဝဲဆိးဝဲလီၤထူလီၤယိာ်လီၤ. အဂ့ၢ်ဒ်အံၤ,…
